Tersinggung

suatu hari ada ni tanta da gendong2 depe anak yg masih bayi,
kebetulan tuh tanta nae oto bus jurusan manado-bitung,kong duduk dimuka dekat sopir,
sementara di perjalanan tuh sopir ja taru kira trus tu tanta pe anak yg dia da gendong,
lantaran penasaran tu sopir ba tanya,
sopir: "tanta pe anak itu?"
tanta: "iyo, kiapa so?"
sopir: "pe besae skali do'e"
tu tanta saki hati,sambil marah2 dya pindah ka bangku paling blakang,
d'blakang tu tanta duduk disei bapak2, iseng2 le tu bapak ba tanya
bapak: "kiapa tanta marah2?",
tanta: "itu sopir kurang ajar,tadi dya ba tanya nda sopan!!
bapak: "wahh,..musti mo kase pelajaran tuh orang bagitu, tanta so kase palungku pa dya?"
tanta: "belum om, soalnya kita da bagendong ini",
bapak: "yaa udah pi jo tanta togor pa dya, mari nanti kita gendong tu tanta pe monyet.."

tanya jalan

Ada nih om2 mo tanya om pala pe rumah...pas ada anak kacili dia ba tanya pa tuh anak,..

Om : Ade,,om pala p rumah dmna kang??
ade : ohhhh...om trus jo..klo dpa lia belokan ka kanan,om belok kanan,,klo dpa lia belokan ka kiri,,om belok kiri noh, mar klo ada jalan trus2 om trus2 jo noh
Om : Ih... yg mana yg butul dang ini??
ade : om kan so basar...so tau pasti mana yg butul dg mana yg salah to?!?!?!

kiriman spesial

Ungke dari Sanger pindah ka Jakarta for kuliah di sebuah universitas ternama... Setelah beberapa bulan kuliah di Jakarta, depe papa telpon pa dia mo tanya kabar,..

" Ungke....gimana ngana pe kuliah di Jakarta?"

" Samua fine-fine jo pa...nyanda ada yang bekeng pusing."

" Trus..gimana deng ngana pe tamang-tamang kuliah?"

" Dorang bae-bae.....maar amper samua bawa kijang, kuda, bebek..." (maksudnya mobil kijang, kuda dan motor bebek)

" Trus, ngana dang bawa apa?"

" Kita nyanda bawa apa-apa, pa.."

" Aduh, kasian sekali papa pe anak....Besok nanti papa kirim babi pa ngana..."

kaya mendadak

Alo jadi kaya mendadak.. tapi waktu alo jadi kaya dia jadi sombong .. pada suatu hari alo makan di rumah makan, setelah alo makan dia ingin makanan penutup....seperti buah-buahan .....!!

Alo : "Pelayan kita mo pesan buah"

pelayan : "Buah apa pak ?"

Alo : "Apa yang ada jo, mar yang blum pernah kita makan neh !!"

pelayan : (bingung lalu pelayan membawa buah jambu)

Alo : "Woooiiiiii ini buah pe banyak pa kita pe muka rumah !"

pelayan : (pelayan membawa buah kadondong)

Alo : "Ohhhh ini ada pa kita pe blakang rumah !! ganti...!!!"

pelayan : (dia so pastiu kong dia bawa apel, pelayan p dalam hati paling dia blum prnh makan)

Alo : (dia makan mar depe 5 detik dia buang itu apel)

pelayam : (adohh abis kita dia so pernah makang le itu)

Alo : "Ngana mo tipu pa kita kang, ini tombong kalapa kang, kong ngana pilox !!!

nda pernah balas

Utu, seorang murid SMP yang terkenal nakal, ditegur oleh Ibu Gurunya.
Ibu Guru : ” Utu, kiapa kalamarin ngana nyanda maso skolah ?”
Utu : ” Sakit, Nci !”
Ibu Guru : ” Kiapa nyanda kirim surat ?”
Utu : ” Percuma ! Nci kwa nyanda pernah balas…??”

Baku piara

KEKE : "Christy tempo apa dang ngana mo kaweng pa kita, so malo kita orang lia lia so ba tinggal deng ngana? Bulan Oktober jo neh !"
Christy : "Oh ... nemboleh no! soalnya kita ada banya urusan dikantor bulan Oktober"
KEKE : "Kalo bagitu November jo dang."
Christy : "Adoh... kasiang jo pa ngana..... November kita mo ada pelantikan kenaikan pangkat"
KEKE : "Oh kalo bagitu Desember jo neh... biar rame"
Christy : "December kua talalu rame karna hari Natal, sabar jo... nanti January taong datang jo neh"
KEKE : "Oh jangan January...Bahaya... ngana mo geger otak..."
Christy : "Dari mana ngana tau... tukang ramal so ngana?"
KEKE : "Kita bukan tukang ramal... maar kalo so' bulan January kita mo beking picah deng botol ngana pe kapala..."
Christy : "!!/$@#?!!!"

Opa deng Tomat

Di sekolah, Thory so terkenal lantaran amper tiap hari dia datang terlambat.
Kong suatu waktu lantaran so pasti Thory selalu terlambat maso, de pe Engku so jaga kong mo tanya apa lei depe alasan sampe dia terlambat maso skolah hari itu.

Engku : “Skarang apa lei ngana pe alasan terlambat maso sekolah pagi ini thory ?”
Thory : “Adoooh.., engku, kita pe keluarga ada musibah pagi ini.”
Engku : “Hmm… musibah apa ?”
Thory : “Tape Opa meninggal tadi pagi di kobong belakang”
Engku : “Ba apa so ngana pe Opa pagi-pagi di kobong ?”
Thory : “Tape mama ada suruh pete tomat for mo beking smokol, Eeeh.. ada tunggu-tunggu tape opa so nyanda bale. Serta tape mama pi cek di kobong, tape Opa so kras di sei pohong tomat, kong tu tomat so ancor dia so tindis deng depe badan”
Engku : “Astagaaaaa….! Kong bagimana jo ngana pe mama waktu da lia ngana pe opa so dalam keadaan bagitu?”
Thory : “Mama langsung pigi di pasar ba beli tomat”
Engku : “???”

Terlambat

satu kali sony deng christy dapa strap
lantaran terlambat dtg skolah

guru :"sony, kiapa ngana terlambat...?"
sony :"anu bu qt da mimpi tadi malam da dapa bli akang motor baru,kong qt ba ron2 pake motor sampe tenga malam jadi tadi pagi qt ta bangun late bu,.."
guru :"ahh,..banya alasan ngana sony...!!! kong ngana dang christy kiapa ngana terlambat?
christy :"qt nintau apa2 bu,qt cuma sony da bonceng"....